منوعات

[بنت الجارجه]

صدفه لقيته(خالد محمد)
صدفه لقيته الي هويته
محلى عيونه وايه فديته
بو ويه غاوي كل البدر ضاوي
عوقي يداوي ان شفته ولقيته
مسلي كلامه ع خده علامه
ولولا الملامه غصباخذيته
بلمسة كفوفه روحي مخطوفه
ولا فيه خوفه ان عمري عطيته
وبحره غزير ودربه خطير
ولو هو عسير لاجله مشيته
اداري وداده ولا اقوى بعاده
ومني شهاده قلبي هديته
صدفه لقيته الي هويته
محلى عيونه وايه فديته
__________
الموت الاحمر(حربي العامري )
لي صاحب عني تغير .. اخلف دروب الحب عني
وانا على الفراق ما اقدر .. البعد هم و متعبنـي
مركب غرام الحب سمـّر .. والفواد في غبه خذني
عني نهار الحب دبـر .. والايام بالظلما كسني
روض الهوى في القلب يكبر .. واخاف اصبح مثل فني
ياقايد الخفرات فكر .. وخذني حبيبي بالتأني
ماشفت دمع الشوق غدّر .. عليك ياروح التمني
يافايق بجوهر ومنظر .. فيك الجمال اللي فتني
عودك كـ غصن لبان الأخضر .. يسبي النواظر بالتثني
وعينك بذات الطرف الاحور .. نظراتها يا ما سبني
بعدك شرات الموت الأحمر .. وانت بسهمك جاتلني
عوّد عساه الكسر ييّبر .. ويجزاك رب العرش عني
__________
البووم الفنان (حربي العامري )
واعذابي ...... كلمات : د.مانع سعيد العتيبة
الا واعذابي فؤادي عليل اشكي ولا من درى عن عذابي
انا من مصابي اير العويل ابكي ودمعي هميل السحابي
واسباب مابي غزال جميل خزرني بعينه وضيع صوابي
له ردف نابي وعود نحيل زاخر جماله بريع الشبابي
ويذله انساب كما جنح الليل جسمه سراج ينير الثيابي
حبه مضابي بدرب طويل ضيعت دربي ولا من درابي
انا في حسابي فقدت الدليل والله معيني على ما غدابي
شوقي مشابي لأوفى خليل واسوق رجلي الى من مشابي
سقاه السحاب الكنيف الهميل ويرمي ابيوته سهول وهضابي
الا واعذابي فؤادي عليل اشكي ولا من درى عن عذابي
انا من مصابي اير العويل ابكي ودمعي هميل السحابي
ـــــــــــــــــــــــــــــ
قلبي تشوق ...... كلمات : علي بن سالم الكعبي
قلبي تشوق للمحب ودياره
ودي جداهم انتحي بزياره
غر قدر للضيوف وجاره
غالي ولا عندي نزل مقداره
هي بج وجه للفى وخطاره
والهيل في الدله يزيد ابهاره
كريم ما يحاتي كثير خساره
كريم ما يحاتي كثير خساره
اتشع من خده بروق انواره
ورموش عينه سهامها جباره
قلبي تشوق للمحب ودياره
ودي جداهم انتحي بزياره
ــــــــــــــــــــــــــــــ
مل صبري ...... كلمات : محمد الشاوي
وخلاص منك مل صبري
وذقت العنا والمر والويل
ضاقت بي الدينا وصدري
ولا عاد فيه باقيا ً حيل
يا كم لك ارخصت عمري
وما كنت لك في حبي بخيل
حطيتك بعيني وتدري
ما اصدق الغيرك ولا تميل
عليك دمع العين يجري
متحدر من موقي يسيل
وانت مريح تنام بدري
عايش في دور الحب تمثيل
لا تبيع في قلبي وتشري
ما اطيق حب فيه تضليل
ابعد وخل الحب يسري
خلاص يا ساري سرى الليل
ــــــــــــــــــــــــــــــ
بعيد الدار ...... كلمات : خليفة سالمين الحميري
لو بعيد الدار قلبي لك يحنه
لك غلا تحت الحنا يا ساكنني
ريم دار حبها متملكنه
ديرتي وترابها فيها استجني
بو عيون اللي لحظها يذبحنه
وبالهداب السود في قلبي اطعنني
وانت تكلم تتهبلك دار منه
ما عرفت انه في يوم امزعلني
صاحب حبه تحت الاضلاع منه
منزل ما غيره طول الزمني
اشفق لشوفه وفي وصله تمنه
كان في وصله يفيدني التمني
لان حبه دم شرياني تبنه
والعروق توزعت في كل مني
مدمن في حب خل معذبنه
مالكني في حياتي ملك جني
ــــــــــــــــــــــــــــــ
قالوا تحبه ...... كلمات : غدير بن حبوه
قالوا تحبه قلت لاماأحبه ياغير أحيا في محبتـــه وأمــــوت
ماغيره اللي ساكن القلب حبه وله منزلاّ يعلى على كل البيوت
الصافي الوافي أمحليه ربه فيه الحسن بين المزايين منعود
مارمت أقارن أو أوازن واشبه ماله شبيهاّ في المخاليق منبوذ
كل شي حلواّ فالحياه أنتسبه البدر والنسمه مع الزهر والتوت
الحب يحلاله ولوه هو نعبه في شف من عينه بها سحر هاروت
ــــــــــــــــــــــــــــــ
دقيق المعنق ...... كلمات : سعيد بن مصلح
يا طويل المعنق يا وسيع النحر
يا نحيف المعزل ليش لابس عباه
يكفي من العبايه تاج ليل حدر
لفه به ع المفاتن والصدر والقطاه
وغطي نورك ترايب واستره بالشعر
خصلتين تكفي تستره عن عرب
اتحدى بعودك كل عود خضر
واتحدى بالينه لين غصن الجناه
كن خف اتزانك مثل بنت المطر
ان تخطرت تمشي فوق نادي ثراه
خلوتن من يشوفك الا انا والقمر
والقمر من بياضك ينعكسلي ضياه
اتعشم لوصلك والمحبه خطر
مثل من عام غزرك بين موت ونجاه
فرصه العمر ساعه والبقى يا كدر
وان تكدر مزاجي وين بالقى رضاه
ما بقى شي عزمو ولا بقى لي صبر
راضني يا حبيبي واطلب اللي تباه
ــــــــــــــــــــــــــــــ
سلبت روحي ...... كلمات : محمد الشاوي
سلبت الروح يا ذا الروح وش اللي باقي مني امعذبني
انا المجروح وين اروح وانت اللي سبب جرحي وامعذبني
وهجر وفراق ما ينطاق دخيلك منك قربني وقربني
انا اهواك واتمناك وكل شي فيك يعجبني ويعجبني
وانا بروحي كثر نوحي وكثر الصد يتعبني ويتعبني
نظر عيني يكفيني لذيذ النوم تسلبني وتسلبني
ــــــــــــــــــــــــــــــ
المحبة ...... كلمات : سالم بن عيد المهيري
وش علامك قام ياخذك الغياب
ما تعرف انك على روحي تمون
المحبه من طرف واحد عذاب
اسأل العشاق واللي يعشقون
لك بقلبي حب يتعدى الحساب
لا تروح ابعيد تاخذك الظنون
دام عشرتنا على هام السحاب
وش يهمك وانت قدرك على المزون
والعذاب الوان يا ترف الشباب
وانا حبي لك الى حد الجنون
لا تعلقني على وهم وسراب
اقصر الخطوات والكاين يكون
يا حلا همس مع تبو العتاب
تكشف المستور نظرة العيون
كل جرح من سبب الايام طاب
الا جرحي منك عيى لا يهون
ــــــــــــــــــــــــــــــ
ساهر ...... كلمات : عيد خليل المريخي
ساهر والليل ما بات من الهجر شادي
ومتملل اهجروه الحب وسادات واتركوه فوادي
كم دوت في الصدر ونات والمحبه عوقه
هايجت اخنقت من الحب عبرات غصب عين دمعه
يالي يسقى ماضي اوقاته لا قطعت قال انا بوصل
يا حلالي وضماته ويل اللي اليرفق
لاضيه في الجوف حراته كم نفسي من العنى تحمل
لو يفوت العمر ما فات عن وداده امحاله
ــــــــــــــــــــــــــــــ
ذيك العيون ...... كلمات : محمد الشاوي
تذبحني نظره من عيونك السود
ويلي على ذيك العيون الجميله
اشوف فيها سحر ما هو بموجود
تشفي الجروح المدميات العليله
ومفنود عن غيرك من الناس مفنود
طيب ودلال وذوق ماشي مثيله
واذا بغيت الزود عندك ترا الزود
مالك شبيه ولا بعد فيك حيله
وتاخذني دنياك يا سيد الخود
واعيش فيها الف ليله وليله
اشوف نفسي معك يا مترف العود
مرتاح بالي من الهموم الثقيله
ودي اعوض ما مضى وكان مفقود
مني على مر الليالي الطويله
بعطيك من قلبي غلا ماله احدود
انت الغلا اللي ما ادور بديله
ــــــــــــــــــــــــــــــ

[بنت الجارجه]

لحن لمفارق(سلمان حميد )
بنتٍ تمر الظلوع وبيتها بيتها .. ماغيرتها السنين او ما تغيرت انا
يوم اكشفت عن مفاتنها وضميتها .. قالت لي الحب وش هو قلت بيت الهنا
ياليت مالي خفوقٍ ينبض وليتها .. إلا نعس رمشها ماعاد تسرف بنا
يغار قاميصها من لمس جاكيتها .. لاهزت اكتوفها كبر ودلع وانثنا
غضنٍ من الشوق اذا مال او تماديتها .. ان اقبل الله لنا وان ادبر الله لنا
اغلى المزايين واحلاهم شهر صيتها .. فقيرة الخصر والارداف ظفرة غنا
قالت يازين المطر قال المطر جيتها .. لين السحب حاصرتها من هناك او هنا
قال لسما الشمس علمني لا مريتها .. أبغي أشوف السنا لامنه عانق سما
خلتني البارحه وانا ماخليتها .. غنيت لحن المفارق والهجر والعنا
للحين وانا ضلوعي بيتها بيتها .. ماغيرتها السنين وماتغيرت انا


مالك خص لاتسال ...... يا خي خل عند دم
مالك خص لا تسأل
وكيفك لو تبي تزعل
أنا ما اشوف إلا البعد عنك صار أنسب حل
لا تسأل إذا راضي
أظنك ناسي الماضي
كلامك كله على الفاضي
ترى الموضوع ماله حل
صبرت كثير وكم بصبر
لاظنيت بعد اقدر
تيبنها جد من الآخر
أنا منك بديت أمل
كفاية ليش أتألم
ياخي خل عندك دم
إنت اشفيك ماتفهم
قلنا لك خلاص ارحل
خلاص ابعد عن ادروبي
وانسى كنت محبوبي
أنا ما ابيك افهمها
ترا الزين مايكمل
خلاص ابعد وانا ببعد
خلنا في الهجر والصد
أنا أتكلم تراني جد
وليش أكثر أنا أتحمل
ياهاللإنسان دوخني
مصر إنه يتعبني
أنا ما احبه اهو يحبني
أنا مليت منه أوول
تراها زادت اجراحي
وقلبي ابسبتك ناحي
إنت اشفيك ما تفهم
يااخي خل عندك دم
مالك خص مالك خص


سلمت قلبي (حمد العامري )
سلمت قلبي لشخصك كنت بـك واثـق
لين اكتشفت انها من أكبـر أغلاطـي
الله يا ما اصعب الغلطه علـى الحـاذق
صدمـه عظيمـه تسـبـب هــم واحـبـاط
تخفي نوايا الغدر في وجهك الشارق
يا بحر ما فيك لا مركـب ولا شاطـي
هـذا وانـا قـبـل أعـرفـك أسـعـف الغارق
واشوف نفسي مشيت بدربك الواطـي
نجم المحبه لظى بجـو العشـق طـارق
نجم تلاشى وعـن جـوي ثـره خاطـي
أنـا بـدوي فـرح مـن شوفـه الـبـارق
حب الحيا في ضميـري دايـم ساطـي
أغرى بي البرق وانا في الأمل عالق
والواقع يحـط فـوق حروفـي نقاطـي
حلمـي تبخـر بواهـج غـدرك الحـارق
وترى الوفا ما خلق في كل الاوساط
أقولـهـا لــك وانــا متمـكـن وواثـــق
إبعد وفـارق أنـا مـا اكـرر أغلاطـي


سرمد الليل (مانع سعيد )
سرمد الليل وضوى ليلي وأهجعوا ربعي حواليّه
بت تسهرني غــرابـيـلـي من وليف ٍ تـايه بغــيّـه
++++++++++++
أشتكي البدر بمواويلي وأنثر أشواقي على ضيّـه
آه وجد ٍ هدّ لي حـيـلـي والهوى فـتـاك يـا بـنـيّـه
++++++++++++
الصبر مر شرى الخيلي والهجر نار أشعلت فـيّه
هايم ٍ في الود يحلـيـلـي ليت قلبك يعطف شـويـ
++++++++++++
منك ياخلي طفح كيلي تهت بين الشمس والفيّـه
ليت بس تحن وتميلي قبل لب الـنـود عـصـريّـه
++++++++++++


فخر الاجيال(الشيخ حمدان بن محمد بن راشد آل مكتوم*فزاع*)
على وصف الرجال اللي تسمّى بالفعال رجال
لفت بيض العلوم وبيّض الله وجه راعيها
لفت ما كنّها الاّ سبّق الخيل ان بدت تختال
نواصيها النعوت وفي مناكبها.. قوافيها
قصايد والقصايد ما نساومها بجاه وْمال
نعبّ بحورها وان هاج مزملها نرسّيها
إذا امتدّ الفكر وامتدّ ليلي والقصيد وطال
توشّحت الشوارد ولبست الاشعار غاليها
كذب من قال ساعَفني عليها الجن يوم تقال
أنا البس جنّها واصدر مواردها واروّيها
أنا وْلا فخر نجل الشامخ المتمرّس الريبال
على وصفه تجاريني القصايد قبل اجاريها
على (محمد إبن راشد إبن مكتوم) طاب الفال
وطابت لي قبل لا الزم قوافيها.. معانيها
متى قالوا صواريها المعاني.. ما هناك اشكال
حرام انّي لمدّ شراعها لأكبر صواريها
على اكبر منبر ارميها ثنا وْعز وْفخر واجلال
ما دام ان الثنا لأهله.. على اكبر منبر ارميها
لاجل قرمٍ غرس حلمه لشعبه واثمرت الآمال
حقايق نبصر اوّلها.. ونتباشر بتاليها
حقايق واضحه من دون ابو راشد صعب تنطال
تباركها القلوب وتبهر الناظر مغانيها
مغانيها تراود كل عطرٍ ما خطر ع البال
واراضيها يراود كل عاشق فوع ناديها
أراضيها الخزاما والنفل والبختري والهال
وما يخطر على بال العطر يزخر باراضيها
ولي فيها محب أسرف على قلبي وحط وشال
طلب روحي وروحي منه فيها اللي يكفّيها
من اوّل ما عرفته والضلوع تجرّ له موّال
ولا ادري نيّته بضلوع صدري وش تواليها
أنا محتار ما بينه وبين (دبي) بالمثقال
يا أمّا (دبي) له تحلا أو انّه لي محلّيها
أو انّ (دبي) تحلا لان أبو راشد لها خيّال
نعم والله وتسبق خيلها من سبق واليها
(دبي) العِز من طيب النسايم عودها ميّال
تمسّي صاحب القدر ونحن باسمه نمسّيها
صدى داره بشرق وغرب وجنوب التقى وشمال
قبض الاربع جهات يلين داره ذاع طاريها
طغى عزمه على وعر الدروب وله غدت مسيال
تسيل الأرض لاقدامه وتفخر من مواطيها
غريبه كيف جادت به سنينه والسنين بخال؟
والاغرب كيف تضما له وهو بالجود يسقيها؟
لو ان المجد سهل ان كان كلٍ طال منه وْنال
دروب المجد ودروب العلا صعبه مراقيها
طويل العمر ما جيت اعتزي في وصفك الأمثال
ولكن المثايل تعتزيني بك.. والبّيها
يابوي ابشر ترى شبلك توارت عن مداه اشبال
وثب فوق الدروب وسابقت رجله خطاويها
ورث عزمك وحزمك والخصال تجرّ طيب خصال
مواثيقه على طرق المكارم بك يجدّيها
إذا شدّ الفخر لاجلك رحاله قمت اشدّ رحال
على نهجك.. عشان افرد رحاله وارجع اطويها
واذا قالوا: من ادرى بالحصابي والوزون ثقال
عرفت ان الوزون ثقال وانت ادرى بْحصابيها
على الدنيا جدال الاّ انت والله ما عليك جدال
مع ان إيدك يجادل كل وادي سيل واديها
لو ان السحب تنشا من كفوف امست عليك ظلال
وخرّت ساجده لاهل الثرى من جود منشيها
مكارمك المكارم والعطايا من بحرك جزال
لو ان السفن تجري في يمينك ضاع شاطيها
يمينك كم لاحت وابرقت وابطت وهي تنهال
ولا والله تدري عن يسارك كم معاطيها
وكم رجلٍ بصدره حاجه وجاك وقبل لا يسال
عطيته.. كنّك ادرى بالصدور وْسرّ خافيها
وكم حلمٍ سبقته.. كان في عين الزمان محال
تقول المقبلات افضل عليك اسرار باريها
يقولون اختصرت اجيال واقول انته فخر الاجيال
إذا الأجيال بك ما تفتخر.. من يفتخر فيها؟!
كلماات:الشيخ حمدان بن محمد بن راشد آل مكتووم(فزاع)


طير الحمامي (ميحد حمد & محمد المنهالي)
طير الحمامي
هيج غرامي
هايم هيامي
و الشووق غلاّب
هزّعت فني
يا طير مني
و لا كان ظني
تطريلي احباب
ذكرتني به
لي اعتنيبه
حب وحبيبه
والشووق جذاب
ولف ٍايحبه
قلبي ولبه
ويذوب صبه
كالشمع لي ذاب
ادعج خدلجّ
و امدملج ادلج
واغنج وابلج
شمس ٍ عالغياب
وخشم ٍ اتّورد
سيف ٍ امـّهند
و خدٍ امـّورد
جوري وعنّاب
ليته درابي
و عانا صوابي
انا المصابي
في دنيت اغراب
عايش ابدنيا
فيها وهنيا
مالذ هنيا
فيها ولا طاب
طير الحمامي
هيج غرامي
هايم هيامي
و الشووق غلاّب


الحب (حمد العامري)
الحب مايسكن قلوب ومحاني
الحب اسمى عاطفه تسكن الروح
ياحبك اللي كل ماضمى سقاني
سراب لال ودرب مهجور ونزوح
ماقول منك اللي لفاني كفاني
لاني احبك هجر وعناد وجروح
ان غبت عني طاف عمر الثواني
تقول عمر الثانيه من عمر نوح
ان جيتني مرت ليالي زماني
ماكنه الا البرق بعيوني يلوح
قبل الجفا عذرك سبقني وجاني
لاتعتذر ذنبك من العام مسموح
ابني على شوفك صروح واماني
وشلون ماتبني على شوفي صروح
ان كان غيري عوضك عن حناني
ماعاضني غيرك من الغيد مملوح
انته الاخير وانته الاولاني
لو كان حبك حد قلبي على الصوح
والله ماباح بغرامك لساني
الا عيوني يوم يطرونك تبوح
كتمت سرك لين دمعي عصاني
راعي الهوا لو يكتم السر مفضوح
لاتلوم قلب ٍ جر فيك الاغاني
حتى الحمام يجره الشوق وينوح


تكلم(ميحد حمد)
تكلم لا تناضرني تكلم ++++كلام العين ما يطفي لهيبي
انا اتحراك وطول العمر وأحلم++++وش احلى من صدى كلمة حبيبي
زماني يوم لا قيتك تبسم++++ وانا صدقت نفسي وهذاعيبي
انا قلبي كثر حبك تألم++++متى تلمس جروحي يا طبيبي
احبك للوفا والله يعلم ++++ وعمري من دفى قربك يطيبي
تعيش سنين يا عمري وتسلم++++تمنيتك من العالم نصيبي
انا احساسي صدق والا توهم ++++اذا شفتك تفز وتحتفيبي
أنا فاهم وطبع الحر يفهم++++ ولكن ودي أسمع يا حبيبي


جالس بحالي و لحالك( عيظه المنهالي )
جالس في حالي ولحالي هزني الشوق وذكرتك
يعني معقوله يا غالي كل هذا وما وحشتك
غيبتك طالت ليالي يا عسى خير وعذرتك
خوفي وكل انشغالي دون ما اقصد جرحتك
يعلم الله وقلبي شاهد ان عيني من املها
بس تشوفك عندي قاعد روحي ترجع في محلها
تدري يوم احنا انتباعد كل هالدنيا واهلها
يفقدون انسان واحد وافقد انا الدنيا كلها
كان قلبك يا فتوني طاوعك تنسى حبيبك
انا ببقى مع شجوني وانت روح الله حسيبك
بس تاكد يا عيوني لو غدى غيري نصيبك
انت وياي او بدوني ما ابي مكروه يصيبك


عندي كلام( اريام )
عــنــدي كـلام وخـاطـري لـك اقـولـه
وأبغيك تفهم مقصدي يا اريش العين
مـحـد ٍ جـبـرك وكل شـخـص ٍ مـيـوله
أثرى الصراحـه راحـة ٍ بـيـن الاثـنـيـن
++++++++++++
الحـب أكـبـر مـن كـلام ٍ نـقـولـه
وأكبـر من اللي ينكتب بالدواوين
توك صغير تعيش سن الطفـولـه
وين المحبه وأنت يا معذبي وين
++++++++++++
عـذرك أعــرفــه كـل يـوم ٍ تـقـولـه
آسف حبيبـي قـلـتـهـا بـالـمـلايـن
أفهم ترى وأنا كـل شـي ٍ أصـونـه
والحب له ناس ٍ على العهد وافين
++++++++++++
قــررت أبـعـد وأتـركـك بـسـهـولـه
وأترك حياة ٍ عشـتـهـا بـيـن نـاريـن
راعي المثل صادق ويا زيـن قـولـه
ما تنجبر روحك على روحي يا زي


الهير ( خالد محمد )^_^
قلبي المشتاق متولع يباك....يا وله يا شوق قلبي والعيون
في الهير يا كم انا اتذكر لقاك ...ما نسيتك لو بعدت وين اكون
انت غالي ولا ابى الا رضاك ...يا منايه والمنا لو تصبحون
والذي قد صار وتشربك معاك...والسبب والله من الذي يعذلون
احرموني منك جازوني جفاك...وبالخناجر فظهري سوو طعون
يعلهم في دربهم علهم هلاك..كل هالعذال واللي يحسدون
عندي في الدنيا ابد محد يسواك..يالغلا يالحب ارجو تعذرون
ربي اهداني محبتك وغلاك ..وعالمحبة نعيش في خير وسكون
و بس

[راعية الود]

المحبة ...... كلمات : سالم بن عيد المهيري
وش علامك قام ياخذك الغياب
ما تعرف انك على روحي تمون
المحبه من طرف واحد عذاب
اسأل العشاق واللي يعشقون
لك بقلبي حب يتعدى الحساب
لا تروح ابعيد تاخذك الظنون
دام عشرتنا على هام السحاب
وش يهمك وانت قدرك على المزون
والعذاب الوان يا ترف الشباب
وانا حبي لك الى حد الجنون
لا تعلقني على وهم وسراب
اقصر الخطوات والكاين يكون
يا حلا همس مع تبو العتاب
تكشف المستور نظرة العيون
كل جرح من سبب الايام طاب
الا جرحي منك عيى لا يهون



اممممممم مع اني ماسمعتهاا بس كلماتها وااااايد حلوة >> شكلي بسمعهاا


اشكرج ع المنوعااااااات الغاوية

[بنت الجارجه]

العفو

مشكوره الغلا على المرور

^_^

[SHarJawia]

مااحب اسمع غير لميحد وحمد العامري
كلمات اغانيهم عجيبة واصواتهم ماعليها رمسه
حتى هزاع هذا الي طالع ايديد ، صوته مثل ميحد تقريبا عحيب

ثانكيوك فيلوه عالكلمات

[بنت الجارجه]

بعد غنية مانع سعيد حلوه سرمد الليل اقريها

^_^

ولكم نقنق

ثانكس نقنق على المرور

^_^

[سكرة الموت]

سرمد الليل وضوى ليلي وأهجعوا ربعي حواليّه
بت تسهرني غــرابـيـلـي من وليف ٍ تـايه بغــيّـه



ثآنكيووو بنت الجارجه

يسلموووو وانا احب هالغنيه

[دلوعة حلووة]

يسلموووو بنت الجارجه على الكلماااااااااات

[بنت الجارجه]

ثانكس على المرور


^_^

[SHarJawia]

مانع سعيد
waaaaaaaaaaaaaa3
صوته لوعه جنه مزغــود

[بنت الجارجه]

هههههههههههههههه


مزغووود عااااد


شو ها التشبييه؟؟

خخخخخخخخ

[صــاحبة_السمــو]

تسلمين الغلا

ولا عدمنا هالمشااركاات الحلوه

[بنت الجارجه]

مشكوووره الغلا على المرور


^_____________^

[دمعه حزن]

مشكوره اختي على المنوعات الرائعه
ولا تحرمينا من مشاركاتج الدائمه

اختج : دمعه حزن مشرفه قسم الفن والاغاني

[بنت الجارجه]

مشكوووووووره الغلا على المرور

^_^

[القلب الكبير]

يسلمو ع ها الطرح الراائع المميز ...


اغااني روعه صراحه وكلمااتها اروع

[Bяσкєη.Hєαят]

^ـــــــــــــــــــــــ^

تسلميــــــــــــن بنووته .. ع المنوعاات .. اناا احـب اسمع لــ [ راشــد المااجد ] .. اغاانيه كلمااتهاا حلووه .. ^^

:]

[بنت الجارجه]

يسلمو ع ها الطرح الراائع المميز ...
اغااني روعه صراحه وكلمااتها اروع

مشكور اخوي المرور

نورت الموضوع

^_*

[بنت الجارجه]

^ـــــــــــــــــــــــ^
تسلميــــــــــــن بنووته .. ع المنوعاات .. اناا احـب اسمع لــ [ راشــد المااجد ] .. اغاانيه كلمااتهاا حلووه .. ^^
:]

^_^


مشكوره الغلا على المرور

نورتي الموضوع

^_*

[Blue Moon]

سرمد الليل (مانع سعيد )
سرمد الليل وضوى ليلي وأهجعوا ربعي حواليّه
بت تسهرني غــرابـيـلـي من وليف ٍ تـايه بغــيّـه
++++++++++++
أشتكي البدر بمواويلي وأنثر أشواقي على ضيّـه
آه وجد ٍ هدّ لي حـيـلـي والهوى فـتـاك يـا بـنـيّـه
++++++++++++
الصبر مر شرى الخيلي والهجر نار أشعلت فـيّه
هايم ٍ في الود يحلـيـلـي ليت قلبك يعطف شـويـ
++++++++++++
منك ياخلي طفح كيلي تهت بين الشمس والفيّـه
ليت بس تحن وتميلي قبل لب الـنـود عـصـريّـه
++++++++++++

ثـااااانكس [ بنت الجارجه ] :)

[بنت الجارجه]

و لكم

مشكوره الغلا المرور

^_*